श्री हरिवंश नाम सब सिद्धि, सबै रसिक बिलसे नव निद्धि।
भुगते दैहिं न जाँचहीं॥
पोषन भरन न चिंत कराहिं, श्री हरिवंश विभव विलसाहिं।
श्री बृंदावन की माधुरी॥

ब्रज लोकसौ न लोक विलोक्यौ सब लोकनि में,
हंसजा सी नदी है न पंछी है न हंस सौ।।
भगवत धर्म सौ न धर्म सर्वोपरि,
श्री भागवत पुरान सौ पुरान न प्रसंश औ।।
इन्द्रमणि चिन्तामणि सी न  और कोउ
कामधेनु सी न सुर तरूवर अंश सौ।।
राधावर  नाम सौ न वृन्दावन धाम सौ,
न सेवक सौ सेवक न गुसॉंई हरिवंश सौ।।

जागिये गोपाल लाल आनंद निधि नंदलाल।
जसुमति कहे बार बार भोर भई प्यारे।।

राधा कुण्ड तट कुंज कुटीर
गोवर्धन पर्वत श्री यमुना तीर

नमो नमो सुरभि महारानी..
 नमो नमो गैया महारानी..

सर्वेश्वरी यज्ञेश्वरी स्वामिनी,
 कृपामयी मैया कल्यानी..

आजीवन तन पोषे तोषे, 
पंचगव्य ते सब जग जानी..

पार लगावे बैतरनी से, 
मरिबे पर श्रुति-शास्त्र बखानी..

आदिशक्ति जगजननी कहकर​,
 जस गायो तुव संभु भवानी..

प्रतिअंगन सब देव विराजै, 
लक्ष्मी गोमय माही समानी..

तजि वैकुण्ठ के सिगरे वैभव​,
 तव सेवा हरि मन महँ ठानी..

नख पै धार्यो गिरि गोवर्धन​,
 तुमको निज सर्वेश्वरी मानी...

दरस परस ते सब अघ नासैं, 
नाम तिहारो महा सुखदानी....

दुध​-दधि-घृत हव्य​-कव्य करि, 
हरि-हर​-देव​-पितर सनमानी..

तृन खावे पर दुध पिलावे, 
कोई नहि तुम सम वरदानी..

तव सुत कृपा अन्न उपजत है,
 तव गोमय भुमि सरसानी..

जो जन तोहे सदा अवराधे,
 तिन्ह पर रीझे सारंगपानी..

उभय लोक महासुख पावें, 
ध्रुव महिमा गुरुजन ते जानी..

रंगमहल बैठे गरवहियाँ  हिमरितु करत प्रसंश धनी-धन ।
मूरति लाड़ उभय देखि सजनी आजु भयौ चाहत मन इक तन ।।
नेह निहोरि देत मुख बीरी वेदनि परम जनावत मन-तन ।
वृन्दावन हित रूप असीसत  शोभा लखि बलि जात सखीजन।।

हे अलि री लखि आजु कौ खेल, बखान कहाँ लों करे मति मोरी । 
राधे के शीश पै मोरपखा, मुरली लकुटी कटि में पट डोरी ॥
वैनी विराजत लाल के भाल, ओ चूनर रंग कसूम में बोरी । 
मान ह्वै मोहन बैठि रहे, सो मनावत श्रीवृषभानु किशोरी ॥ 

श्याम ही सुन्दर श्याम ही अलकें श्याम बनी बेनी अति भारी। 
श्याम ही भ्रोंह सोहनी बांकी श्याम ही नैनन अंजन सारी। 
श्याम कपोल श्याम डिठौना श्याम ओढे कामरीया कारी। 
श्याम दृगन के श्याम हैं तारे श्याम सुंदर गोविंद गिरिधारी।

तोह रखूं मैं सजनवा कवन विधि से,  हो कवन विधि से।
नैयना में राखूं तो हिया मोरा तरसे, और हियरा में राखूं तो नयन बरसे ।।
नयन निहारूं आपन पो वारु आरती उतारू रोम रोम हरसे ।
गिरधर प्रभु सिय सुमिर भोर भई, प्रीति पुरातन रघुवर से।।

अहो इन्हें लगता है बरबस लगा लू हिये।
छोड़ू ना पल भर प्राण रहते शरीर में ।।
प्राणों के अतिति इन्हें पलकों से पोशी रखूं।
रहुं आसक्त जैसे मीन प्रिय नीर में।।
चुमी मुख चंद्र चारु प्यार से दुलार करूं।
संतत सुलाऊं दृग पुतरिन के तीर में ।।
वारी-वारी ब्रह्म सुख लखता इन्हीं को रहूं ।
गोविंद मिल जाऊं जैसे नीर पिय क्षीर में।।